Merkatuan mota ezberdinetako erreleak aurki daitezke, baina guztien funtzionamenduaren oinarriak berberak dira. Irudian konmutadore bat duen errele baten egitura ikus daiteke.

Proiektu honetan konmutadore bakarra duten erreleak erabili ditut, baina nahi izanez gero kontaktu gehiago duten erreleak erabil daitezke. Kasu guztietan normalean irekita (NO) edo normalean itxita (NC) moduetan erabili ahal izango dira.

"b" bobinaren A1 eta A2 bornetan tentsioa aplikatzen denean harilketatik korrontea pasatzen da. Honen ondorioz, eremu magnetiko bat sortzen da eta "r" armadura "n" nukleora erakartzen du.

Armadura "1" kontaktuari mekanikoki lotuta dagonez "4" kontakturaino bultzatzen du. 1-4 kontaktua itxita mantenduko da bobinaren bornetan tentsioa dagoen bitartean.

Tentsioa desagertzen denean, "m" malgukiak armadura hasierako tokira eramango du. Ondorioz, 1-4 kontaktua irekita geldituko da eta 1-2 itxita.