Home > Esperientziak eta Proiektuak
Esperientziak eta Proiektuak

Proiektu honetako emaitzak Internet-en jartzeak hainbat jenderekin kontaktuan jartzeko eman dit. Horrela, toki ezberdinetan egiten diren proiektuei buruzko informazioa eskuratzeko aukera izan dut. Batzuk administraziotik edo unibertsitatetik bultzatutako proiektuak dira, besteak, irakasleek beren kontura ikastetxeetan aurrera daramatzaten berrikuntza proiektuak.

Eskertuko nuke zure esperientziaren berri jasotzea, guztiontzat oso lagungarria izan daitekeelako.

ROBOLAB proiektua: Proiektu hau Alacant-eko Unibertsitateak (Teknologia Berriak eta Hezkuntza Berrikuntzaren Errektoreordetza) eta Retevisión Fundazioak finantzatzen dute. Aurten proiektua Alacant probintziako bost ikastetxetara eraman dute. Ikasleen adinak 9 eta 16 urte bitartekoak dira. Bost ikastetxe hauen artean ROBOLAB 8 kit banatu dira -oso gutxi ikastetxe hauetan izan duten arrakasta ikusita. Irakasleek bilera batzuk izan dituzte ikasturtean zehar, gainera, hasieran ROBOLAB programazio inguru grafikoaz ikastaro bat izan zuten. Datorren urteari begira ez dakite ikastetxe gehiagotara zabalduko duten ala ikastetxe horietakoa indartuko duten ROBOLAB kit gehiago erosiz. Proiektuko arduradunek emaitzak Interneten ari dira kokatzen

"Liceo San Juan Bautista" (Montevideo, Uruguay): Informatikaren irakaskuntzan robotika erabiltzen dute. 2000 urtetik hona ROBOLAB erabiltzen dute. Ikasturte honetan 8, 9 eta 10 urteko ikasleak esperientzian sartu dituzte.

Holy Trinity College (Mar de la Plata, Argentina): 1993.tik hona robotika erabiltzen dute. Orain dela gutxi arte MECCANO eta LEGO Technic erabili dituzte. Honekin batera argazki makina digitala eta bideoa erabiltzen dute. Beraien asmoa azken emaitza ikasleek etxera eramango duten CD bat izatea da. ikasleak 7 eta 12 urte bitartekoak dira (argazkian beraiek bidalitako modelo bat). Informazio gehiago.

03/09/07-(e)an eguneratua.